Cesare Cremonini

C'l artìcul chè 'l è scrit in Miranduléś

«

Ho visto un posto che mi piace, si chiama Mondo, dove vivo non c'è pace ma la vita è sempre intorno, più mi guardo, più mi sbaglio, più mi accorgo che dove finiscono le strade e proprio lì che nasce il giorno.»

(IT)(Mondo, 2010)

«

A-j-ò vdû 'n pòst ch'a m piàś, al s ciàma Mónd, in du a viṿ mè a n gh'è minga paś ma la vita 'l è sèmpar lè dintóran, più a m guàrd, più a m śbali, più a fag a mènt ch'in du i finìs'n al stradi 'l è pròpria lè ch'a nas al dè.»

(MUD)

Cesare Cremonini (Bulåggna, 27 ad Mars dal 1980, a s lèś [ˈtʃeːzare kremoˈniːni] in itagliàṅ) 'l è 'n cantànt, 'n sunadōr e 'n atōr emigliàṅ.

Da 'l 1999 a 'l 2002 'l è stâ la vóś dal grup di Lùnapop che cun 'l àlbum ...Squérez? i aṅ vindû da piò 'd un migliòṅ e mèś ad còpi faghénd vgnir fóra di sìngui 'd sucès cuma 50 Special, Un giorno migliore e Qualcosa di grande.

In séguit 'l à cuntinuâ na caréra da par lò tacànd da 'l àlbum Bagus dal 2002 (ch'l à vindû da piò ad duśènt-sinquantamìla copi e ch'al gh'iva dènt'r al pès Gli uomini e le donne sono uguali) e pasànd pò p'r i disc Maggese (2005) e Il primo bacio sulla Luna (2008).

In dal Maǵ dal 2010 'l à fat catàr in di negòsi la sò prima racòlta, 1999-2010 The Greatest Hits, c'n i braṅ inèdit Mondo e Hello!, qvést chè cantâ insém a la Malika Ayane. I sò dū ùltim lavōr in studi i èṅ La teoria dei colori (2012) e Logico (2014).

Cesare in dla sò caréra 'l à anc recitâ in dū film, òṅ par Pupi Avati, Il cuore grande delle ragazze (2011).

Discugrafìa

Da par lò

C'n i Lùnapop

Àlbum

1999 - ...Squérez?

Filmugrafìa

2002 - Un amore perfetto, regìa ad Valerio Andrei
2011 - Il cuore grande delle ragazze, regìa ad Pupi Avati

Cesare Cremonini

Discugrafìa

Da par lò

Àlbum

da 'l Viṿ

Racòlti uficiàli

C'n i Lùnapop

Àlbum

Filmugrafìa

Culegamènt estéraṅ